Бөтә яңылыҡтар
Новости
6 Ғинуар , 23:30

Донъялар имен, күңелдәр тыныс булһын, ти инәй-апайҙар

Республикабыҙҙа «Йөрәк йылыһы» акцияһы дауам итә. Уға ҡушылыусылар артҡандан-арта бара. Мәсетле тарих-тыуған яҡты өйрәнеү музейы директоры, район ҡатын-ҡыҙҙар советы рәйесе Нәзирә Әхкәмова етәкселегендә ағинәйҙәр, йәш килендәр, уңған оҫтабикәләр махсус операцияла ҡатнашыусыларға ысын йөрәктән ярҙам ҡулы һуҙыу ниәтенән 1500 йылы кейем йыйған.

Донъялар имен, күңелдәр тыныс булһын, ти инәй-апайҙар
Донъялар имен, күңелдәр тыныс булһын, ти инәй-апайҙар

Был хаҡта «Бәйләнештә»   селтәрендә Мәсетле районы башҡорттары ҡоролтайы төркөмө хәбәр итә. Апай-инәйҙәр яугирҙарҙың аяҡ-ҡулдары, баштары өшөмәһен тип, ойоҡбаштар, башлыҡтар, бирсәткәләр бәйләгән.
– Йылы әйберҙәр тыуған ерҙең ялҡынлы сәләме булып беҙҙең егеттәргә барып етһен. Иң мөһиме, улар иҫән-һау әйләнеп ҡайтһын. Илдәребеҙ тыныс, күгебеҙ аяҙ, доньяларыбыҙ имен, күңелдәребеҙ тыныс булһын! – ти  акцияға ҡушылыусылар.

 

Фото: Т. АМАНОВ.

Автор:Гөлназ Шәйхетдинова
Читайте нас в