Ыста!

Белорет районында көрәш буйынса ярышҡа юлланған автобус юлда боҙолған. Эсе тулы балалар, ә тышта ыжғыр һыуыҡ, төн етеп килә. Уларға полиция капитаны Айҙар Зәйнетдинов һәм лейтенант Альберт Әхмәтшин ярҙамға килгән. Егеттәр тиҙ арала яҡындағы Инйәр мәктәбе директорына шылтыратып, балаларҙы йылытып сығарыуҙы һораған. Автобусты Инйәргә алып килеп, механик табып, йүнәттереп юлға ары сығарып ебәргән изге күңелле егеттәр. Афариндар!