Бөгөн – Башҡортостан Конституцияһы көнө

– Бөгөн республикабыҙҙың тыуған төйәгебеҙҙең заманса йөҙөн һәм үҫеш динамикаһын билдәләгән төп законы  – Башҡортостан Конституцияһын ҡабул итеүгә 29 йыл. БР Конституцияһының тәүге проекттары 1990-сы йылдарҙа уҡ тикшерелә башлай. Был ауыр, әммә ысын мәғәнәһендә демократик процесс булды. Өс йыл эсендә төплө уйланылған һәм балансланған документ әҙерләнгән, уның ҡайһы бер эштәрен федераль хеҙмәттәштәр ҙә файҙаланды.
 Республиканың Төп законының роле йыш ҡына баһаланмай, ә конституция закондар сығарыу базаһын формалаштырыу нигеҙе булып тора, үҙендә Башҡортостанға ауыр 90-сы йылдарҙы лайыҡлы үтергә, баҙар иҡтисадына күскәндә йәмғиәтебеҙгә ярҙам күрһәтергә, эшҡыуарлыҡты һәм тауар байлығын үҫтереү өсөн база булдырырға мөмкинлек биргән ҙур социаль гарантиялар комплексын нығыта.

 Йылдар үтеү менән республиканың Төп законы һиҙелерлек үҙгәрә. Ил бик тиҙ үҙгәрҙе, үҫеш маҡсаттарына һәм бурыстарына төҙәтмәләр индерелде, ул ағымдағы маҡсаттарға һәм бурыстарға тоғро ҡалһын өсөн Конституцияға төҙәтмәләр индерергә кәрәк ине.

Хөрмәтле яҡташтар! Беҙ бик ҡатмарлы, ысынлап та, тарихи заманда йәшәйбеҙ. Илебеҙҙең һәм донъяның, тыуған төйәгебеҙҙең һәм һәр ҡайһыбыҙҙың киләсәге хәл ителә. Беҙҙең барыбыҙҙы ла берләштергән берҙәмлек һәр ваҡыттағыса мөһим. Башҡортостан Конституцияһы бөгөн дә ҡиммәтле һәм хоҡуҡи йүнәлеш булып тора, төрлө ҡатмарлыҡтарға ҡарамаҫтан, республика үҙ үҫешен уға таянып дауам итә. 2023 йыл Кесе Ватаныбыҙ өсөн Файҙалы эштәр йылы тип иғлан ителде - төйәгебеҙҙең сәскә атыуына бергәләп булышлыҡ итәсәкбеҙ. Башҡортостан Республикаһы Конституцияһы көнө менән! Туғандарығыҙҙы һәм яҡындарығыҙҙы, Ватаныбыҙҙы һаҡлағыҙ! – тип яҙа үҙенең сәхифәһендә.