Хәйбулла районынан Тимур Сынбулатов Гран-приға лайыҡ булды

Хәтерегеҙгә төшөрәбеҙ, Башҡортостандың халыҡ шағиры Рәми Ғариповҡа арналған конкурс 12 февралдә, шағирҙың тыуған көнөндә башланып,  өс этапта уҙҙы. Беренсе, ситтән тороп ҡатнашыу этабына 800-ҙән ашыу эш килде. 26 августан 25 сентябргә тиклем барған телевизион конкурстың икенсе этабына 30 ҡатнашыусы үтте. Уларҙың эштәре Башҡортостан юлдаш телевидениеһы аша күрһәтелде, телеканалдың сайтында тамашасылар оҡшаған ҡатнашыусы өсөн тауыш бирә алды. Тауыш биреү һөҙөмтәләре буйынса конкурс финалына 18 ҡатнашыусы үтте.

«Бөйөк шағирыбыҙ Рәми Ғариповҡа арналған конкурстың нәҡ бөгөн тамамланыуы символик мәғәнәгә эйә. Рәми Йәғәфәр улы туған теле өсөн ғүмере буйы борсолдо бит, был уның ижадында сағылыш таба. Бындай шиғри бәйгеләр тотош республика ижадсыларының ижады менән һуғарылып торһон өсөн уҙғарылырға тейеш. Ошо проекттың артабан да дауам итеренә ышанам», - тине Башҡортостан Башлығы хакимиәте етәксеһенең беренсе урынбаҫары Урал Килсенбаев.

Жюри баһалары буйынса гала-концертта финалдың икенсе этабына 13 ҡатнашыусы сыҡты. Уларға алдан Рәми Ғариповтың ете шиғырын тараттылар, уларҙың береһе менән таныштырыу бурысы торҙо. Йәрәбә сәхнәлә үткәрелде.

Конкурс йомғаҡтары буйынса Гран-при Хәйбулла районынан Тимур Сынбулатовҡа тапшырылды, ул 100 мең һумлыҡ сертификат менән бүләкләнде. Беренсе урынды Мәләүез ҡалаһынан Самир Латипов, Рәми Ғарипов исемендәге 1-се республика башҡорт гимназия-интернаты уҡыусыһы Илназ Исхаҡов алды. Ике конкурсант та 70 000 һумлыҡ сертификаттарға эйә булды.

Икенсе урынды Күгәрсен районынан Илүзә Ҡыҙрасова, Мәләүез ҡалаһынан Эльза Үмәрғәлина, Илеш районынан Гүзәл Саҙретдинова һәм Бөрйән районынан Рәғиҙә Истәкова алды. Уларҙың һәр береһенә 50 000 һумға сертификат тапшырылды.

Өсөнсө урынды һәм 30 000 һумлыҡ сертификатты 6 кеше алды: Архангель районынан Нәркәс Ғайсарова, Илеш районынан Даяна Нурисламова, Миәкә районынан Азалина Сәфиуллина, Мәләүез ҡалаһынан Тәнзилә Малабаева, Өфө ҡалаһынан Әҡлимә Билалова һәм Әбйәлил районынан Илгизәр Ҡудашев.

Ойоштороусылар конкурстың 2-се турына үтмәгән 4 ҡатнашыусыға, конкурстың номинанттарына, 10 000 һумлыҡ сертификаттар тапшырҙы: Хәйбулла районынан Әминә Билалова, Салауат районынан Рузанна Закирова, Благовар районынан Земфира Хәмиҙуллина һәм Яңауыл районынан Әминә Әхәтова.

Фото: Т. АМАНОВ.