Бөтә яңылыҡтар
Новости
18 Октябрь , 18:52

Украинала һәләк булған һалдаттың хыялы тормошҡа ашырылған

 Илештән Марат Мостафин Украиналағы хәрби операция барышында хәрби бурысын үтәгәндә  һәләк була. Ул Кесе Тәжәй ауылында ҡартатаһының ерендә өй төҙөргә хыялланған.  

Украинала һәләк булған һалдаттың хыялы тормошҡа ашырылған
Украинала һәләк булған һалдаттың хыялы тормошҡа ашырылған

Илеш районы хакимиәте башлығы Илдар Мостафин хәбәр итеүенсә, матәм митингында  улының был хыялы хаҡында әсәһе Зөлфирә Шәмсиәхмәт ҡыҙы һөйләгән. Шунан һуң етәкселәр ҡатынға ярҙам итергә була. Улар намыҫлы подряд ойошмаһы табып, төҙөлөш барышын күҙәтеп барған, бөтә кәрәкле документтарҙы рәсмиләштерергә ярҙам иткән.

Әле яңы ғына төҙөлөш тамамланып, Марат  Мостафиндың ғаиләһенә асҡыс тапшырылған.

– Уларға ныҡлы һаулыҡ, рух күтәренкелеге һәм тыныс күк йөҙө теләйем! Бер нәмәгә ҡарамаҫтан, хыялдар тормошҡа ашырға тейеш! – тип яҙа район хакимиәте башлығы.

 

 

Фото: Т. АМАНОВ.

Автор:Гөлназ Шәйхетдинова
Читайте нас в