Стәрлетамаҡта сираттағы "отправка" булды

Йыйылыусылар алдында район хакимиәте башлығы Евгений Волков, ҡала хакимиәте башлығы Михаил Григорьев, руханиҙәр һәм ветеран ойошмалары вәкилдәре сығыш яһаны. Улар егеттәргә үҙ хәрби бурыстарын лайыҡлы үтәргә, өйҙәренә имен һәм иҫән-һау ҡайтыуҙарын теләне.

Митинг һуңында резервсылар яҡын-туғандары менән хушлашты. Призывниктар менән автобустар оҙатып ҡалыусыларҙың ҡул сабыуҙары аҫтында ҡуҙғалды. Ир-егеттәр тәүҙә йыйылма пунктҡа барасаҡ - унда уларҙы хәрби һөнәргә өйрәтеү көтә.