+24 °С
Ямғыр
Новости
4 Сентябрь 2022, 04:15
Яңы уңыштан - 666 тонна шәкәр!
Төбәктә шәкәр сөгөлдөрөн эшкәртеү башланды. Быйылғы уңышты раевкалар иң беренсе ҡабул итә башлаған. Әле предприятиела 2 сентябргә ҡарата 18,2 мең т сеймал тупланған, 2,8 мең тоннаһы эшкәртелгән. Быйылғы сөгөлдөрҙән 666 т шәкәр сыҡҡан.
Яңы уңыштан - 666 тонна шәкәр!
Шишмә шәкәр заводы 10 сентябргә тиклем эш башлаясаҡ. Был ике предприятие 1,5 млн тоннанан ашыу сөгөлдөр ҡабул итергә һәм эшкәртергә план ҡорған.
Әле шәкәр сөгөлдөрөн сәсеүсе 19 райондың икәүһендә, Әлшәйҙә һәм Дәүләкәндә уңыш йыялар. 2 сентябргә уларҙа 1,1 мең га майҙан эшкәртелгән, 34,4 мең тонна тамыраҙыҡ ҡаҙып алынған, гектар ҡеүәте 300 центнерға барып етә. Республикала быйыл 44 мең гектарҙа шәкәр сөгөлдөрө сәселгән, был былтырғынан 8 меңгә күберәк.
