Ҡанаҡайҙа балаҫ һуғыу оҫталары йыйылды

Сарала Дәүләкән, Әлшәй, Миәкә, Бишбүләк районының балаҫ һуғыу оҫталары, ағинәйҙәр үҙҙәренең эш тәжрибәһе менән уртаҡлашты. Ҡанаҡай ауылы был көндө фекер алышыу, тәжрибә уртаҡлашыу майҙансығына әүерелде.

Бай йөкмәткеле концерт программаһы сығыштар менән аралашып барҙы, күрше райондарҙың сығышы ла һоҡланғыс тамашаға әйләнде.

Дәүләкән районы байрамға Ҡоръятмаҫ ауылының оҫта балаҫ һуғыусыһы Хариса Ҡадырованың эштәрен алып килгән. Байрам һөҙөмтәләре буйынса оҫтабикәнең эше дипломға һәм ҡиммәтле бүләккә лайыҡ булды.