Ҡаҙаҡ эшҡыуарҙарына Башҡортостанда бизнес алып барыу мөмкинлеге бирелә

Башҡортостандың Үҫеш корпорацияһында Ҡаҙағстандың Милли палатаһы вәкилдәре менән онлайн осрашыу үтте. Сарала инвестиция бүлеге рәйесе Адель Маҡарова сығыш яһаны. Ҡаҙағстандан Башҡортостан Конгресс-бюроһы ойошмаһы вәкиле Урал Аҙнабаев сәләмләне.

- Республикабыҙ Ҡаҙағстан менән тығыҙ хеҙмәттәшлек итә. Беҙ даими рәүештә тәжрибә уртаҡлашабыҙ, иҡтисадтың барлыҡ өлкәләрендә лә бергәләп үҫешергә тырышабыҙ. Ҡаҙағстандағы Башҡортостан Конгресс-бюроһы ярҙамында ҡаҙаҡ эшҡыуарҙарын төбәктең инвестиция потенциалы менән таныштыра алабыҙ, - тип белдерҙе Үҫеш корпорацияһы генераль директоры Наил Ғәббәсов.

Кәңәшмә барышында ҡатнашыусыларға Башҡортостанда бизнес алып барыу өсөн мөмкинлектәр һәм өҫтөнлөктәр, дәүләт ярҙам саралары тәҡдим ителде.