Ипотека ставкаһы 30 процентҡа етәсәк?!

Интернет селтәрендә «Һаҡлыҡ банкы»ның яҡын көндәрҙә ипотека кредиты буйынса ставканы күтәреүе хаҡында хәбәр таралды. Йәнәһе, ул тиҙҙән 25-30 процентҡа етәсәк. Бының сәбәбе, имеш, Үҙәк банктың төп ставканы арттырыуына бәйле. Был хаҡта бер нисә телеграм-канал яҙҙы.

«Һаҡлыҡ банкы», быны фейк тип атап, рәсми мәғлүмәт бирҙе: «Банк ипотека һәм ҡулланыусылар кредиттарына бер ниндәй ҙә үҙгәреш индерергә йыйынмай».