Теплицаны ҡышҡа нисек әҙерләргә?

Фитофтораны барлыҡҡа килтереүсе инфекция тупраҡҡа йыйыла. Шунлыҡтан уларҙы юҡ итергә кәрәк. Бының өсөн бөтә тупраҡты ҡаҙып түгеп бөтөрә алмайһығыҙ, өҫкө өлөшөнән генә арынығыҙ. Ерҙе 5 см тәрәнлектә ҡаҙып алығыҙ ҙа урынына яңыһын түшәгеҙ. Яңы тупраҡҡа тиреҫ йәки компост индерергә була. Быны эшләргә иренһәгеҙ, тупраҡҡа 3 процентлы водород перекисе йәки 1 процентлы бордо шыйыҡсаһын һиптерегеҙ. Бер нисә көндән ашлама һибеп, ҡаҙып сығығыҙ.

Ҡышҡа инер алдынан теплицаның үҙен дә йыуырға кәрәк. Һауыт-һаба йыуа торған шыйыҡсаны, йәки булмаһа горчица порошогын, соданы ҡулланығыҙ.