Киттек, эштән һуң, дәртле-дарманлы концертҡа!

Алдан уҡ әйтеп китәйек әле: инеү бушлай һәм, кем белә, бәлки тап һин тамашасылар өсөн уйнатыласаҡ ҡиммәтле бүләктәрҙең береһе – 16-сы iPhone-ды тотоп ҡайтып китерһең! Булмаҫ тимә, ышан ғына!

«Дәрүиш рухы +» башҡорт рок-концертында башҡорт рок-төркөмдәренә нигеҙ һалыусыларҙан булған һәм рок-мәҙәниәтенең үҫешенә баһалап бөткөһөҙ өлөштәрен индергән, тиҫтә йылдар ошо стилгә хыянат итмәй ижадтарын дауам итә килгән «Дәрүиш-хан» (махсус ҡунаҡ), «РУХ» (махсус ҡунаҡ), «Ҡышҡы йәйғор», «Бүреләр», «Ҡараташ» һәм «Проект 102», «Бишбармаҡ» һәм башҡа бихисап төркөмдәр, популяр йырсылар Заһир Иҫәнсурин, Рәсүл Ҡарабулатов, Ирдан, Артур Кәбиров сығыш яһаяасаҡ. Тағы ла бер «күстәнәс» – концертта Ҡаҙағстандан махсус ҡунаҡ – «Улытау» этно-рок-төркөмө менән Башҡортостандың, Татарстандың атҡаҙанған артисы Elvin Grey ҡатнашасаҡ!

«Дәрүиш рухы +» башҡорт рок-концерты 28 ноябрҙә баш ҡалабыҙҙың Көрәш һарайында уҙа.

Адресы: Өфө ҡалаһы, Муса Гәрәев урамы, 5.

Инеү бушлай. Йәш сикләүе: 12+. Башланыу ваҡыты: 18:00 сәғәт.

Нисек 16-сы iPhone-ды оторға?

Ҡиммәтле һәм иҫтәлекле бүләктәр, шул иҫәптән 16-сы iPhone уйнатыласаҡ уйында ҡатнашыр өсөн ҡулыңда «Дәрүиш рухы +» башҡорт рок-концертына бушлай таратылған саҡырыу билеты булыуы шарт!

Саҡырыу билетын нәҡ бөгөн, 28 ноябрҙә 09:00 сәғәттән 18:00 сәғәткә тиклем, түбәндәге адрестар буйынса алырға мөмкин:

1. Өфө ҡалаһы, Кустарная урамы, 17. Республика халыҡ ижады үҙәгенең «Атайсал» мәҙәни үҙәге;
2. Өфө ҡалаһы, Муса Гәрәев урамы, 5. «Дәрүиш рухы +» башҡорт рок-концерты үтәсәк Көрәш һарайында.