Розалина ТУЛЫБАЕВА 

Бөрйән районының Мораҙым ауылынанмын. Миңә 19 йәш. Байназар урта мәктәбендә 9-сы класты тамамлап, Өфөләге Мифтахетдин Аҡмулла исемендәге БДПУ ҡарамағындағы колледждың ер төҙөлөшө факультетына уҡырға индем.
Әлеге ваҡытта һөнәрем буйынса дәүләт хеҙмәткәре булып эшләйем. Шул уҡ ваҡытта Башҡорт дәүләт педагогия университетында – хореография бүлегендә, Башҡорт дәүләт аграр университетының ер төҙөлөшө һәм кадастр факультетында ситтән тороп белем алырға ла өлгөрәм. 
Башҡорт бейеүҙәренә һөйөүем бала саҡтан килә, республика кимәлендәге конкурстарҙа еңеүҙәрем бар. «ГүзәлДанс» ансамблендә бейейем. Ял көндәрендә ансамбль менән гастролдәргә йөрөү оҡшай.