+27 °С
Облачно
Барыһы ла Еңеү өсөн
22 Апреля , 06:46
Алғы һыҙыҡтағы яугирҙәргә - башҡортса гәзиттәр!
«Башҡортостан» полкы командирының хәрби-сәйәси эш буйынса урынбаҫары Александр Мельченко һәм "Росгвардия"ның Башҡортостан буйынса идаралығы үтенесе буйынса, республиканан матбуғат даими рәүештә хәрби хәрәкәт зонаһына килтереләсәк. Был яугирҙарға ваҡиғалар тураһында хәбәрҙар булырға һәм тыуған ерҙәре менән бәйләнештә булырға мөмкинлек бирәсәк.
Алғы һыҙыҡтағы яугирҙәргә - башҡортса гәзиттәр!
Полктағы беҙҙең егеттәр «Башҡортостан Республикаһы» нәшриәт йортонан яңы гәзит-журналдарҙың тәүге партияларын алды ла инде.
- Баҫмаларҙың бер өлөшөн частың хәрби-сәйәси үҙәгендә ҡалдырҙылар, ҡалғандарын подразделение замполиттары аша алғы һыҙыҡҡа ебәрҙеләр. Улар айырыуса ЛБС-та кәрәк, ни өсөн тигәндә унда элемтә һәм интернет юҡ. Полк оперативлығы өсөн рәхмәт әйтә, - тип яҙа яугирҙар.
"Росгвардия"ның БР буйынса идаралығының хәрби-сәйәси эш начальнигы шулай уҡ нәшриәт йортона идаралыҡ хеҙмәткәрҙәре һәм яугирҙар исеменән рәхмәт белдерҙе. Тапшырылған гәзит-журналдар "Урал" ОМОН-ына, "Толпар" СОБР-ына, "Гроза" һәм Миңлеғәле Шайморатов исемендәге отряд подразделениеларына ебәрелгән.
- Беҙҙең яугирҙар өсөн матбуғат - ул тыуған республика һәм йорт менән тере бәйләнеш, - тип билдәләне полковник Евгений Лисица.
Фото: Рафик Ахметшин.