Минус 50 градус һыуыҡ буласаҡ?!

Бөгөн «Ватсап» мессенджерында ошо фотоһүрәт таралды. Йәнәһе лә, яңы йылға ҡарай республикала минус 45-50 градусҡа тиклем һыуытасаҡ. Ышанырғамы быға? Әлбиттә, юҡ, ти Башгидрометүҙәк белгестәре.

«Иң ышаныслы һәм дөрөҫ фараз биш көнгә генә яһала. Әммә ундай һыуыҡтар булыуы мөмкин түгел, тип әйтә алмайым. Мәҫәлән, республиканың иң һалҡын төнө 1979 йылдың 1 ғинуарында була. Һуңынан Өфөләге «Дим» станцияһындағы термометрҙар - 48 градус, ә Башҡортостандың төньяҡ-көнсығышында - 54 градус күрһәткән. Ләкин беҙҙең ведомство был прогнозды яһаманы һәм ебәрмәне», — Башгидрометүҙәк етәксеһе Анна Казаева.