Нилектән төндә тәм-том ашағы килә?

Төнгө ваҡытта тәм-томға тартылыуҙың төп сәбәбе - туҡланыу режимының булмауы. Йүгергәндә ҡапҡылап алыу, зарарлы аҙыҡтар ҡулланыу һәм даими туҡланмау эндокрин һәм аш һеңдереү системалары эшенә кире йоғонто яһай. Һөҙөмтәлә хроник арығанлыҡ барлыҡҡа килә һәм төнгө ваҡытта көслө асығыу барлыҡҡа килә. Етерлек туҡланмау һәм зарарлы аҙыҡ-түлекте ашау йыш ҡына баш мейеһендә туҡланыуҙың етмәүенә килтерә. Был орган өсөн глюкоза төп энергия сығанағы булып тора. Шунлыҡтан төндә тәм-том ашағы килә башлай.

• Унан тыш, ошондай сәбәптәр арҡаһында ла тәм-том ашағы килеүе мөмкин:
• – ҡанда шәкәр кимәленең түбәнәйеүе;
• – гельминтоз (паразиттар);
• – гормональ тайпылыштар;
• – көн дауамында етерлек туҡланмау;
• – витаминдар һәм минералдарҙың етешмәүе;
• – хроник арығанлыҡ;
  – дарыуҙарҙың кире һөҙөмтәһе;
• – һыуҙың етерлек булмауы.

Фото: Т. АМАНОВ.