Тәмәкенән нисек ҡотолорға?

Һеҙ тәмәкене ташлай алаһығыҙ. Бирелгән 11 пунктты иғтибар менән уҡып сығығыҙ һәм шул тәртиптә үтәй башлағыҙ.

Тәмәкенән ныҡлы ҡотолорға ҡарар итегеҙ. Һуңғыһын тартасаҡ көндө һәм ваҡытты билдәләгеҙ. Уны ҡағыҙға теркәп ҡуйығыҙ.
Тәүлегенә һигеҙ сәғәт йоҡлауҙы, көнөнә һигеҙ стакан һыу эсеүҙе, мөмкинлек сыҡҡан һайын йүгереүҙе ҡағиҙә итеп алығыҙ.
Үҙегеҙҙе тартмаусы кеше итеп күҙ алдына килтерегеҙ. Уның өҫтөнлөктәре хаҡында уйлағыҙ. «Миңә тәмәке тартмау нығыраҡ оҡшай», – тип үҙегеҙгә үҙегеҙ ҡабатлағыҙ.
Был зарарлы ғәҙәттән ҡотолоуығыҙға ныҡ ышанығыҙ һәм һеҙ, ысынлап та, ҡотоласаҡһығыҙ.
Тартмаған кешеләрҙе күҙәтегеҙ. Һеҙҙе тәмәке тоҡандырырға мәжбүр иткән хәлдәрҙә улар үҙҙәрен нисек тота, нервы көсөргәнешлеген, уңайһыҙланыуын нисек еңә? Шул өлгөгә эйәрегеҙ.
Тәмәке тартыу тойғоһо уянмаһын өсөн башкөллө ҙур физик эш менән булышығыҙ.
Тәүге ике көндә сәй, ҡәһүә эсеүҙән, майлы ризыҡтар ашауҙан тыйылып тороғоҙ. Күберәк һут, һыу, һөт эсергә, йәшелсә-емеш ашарға тырышығыҙ.
Ялығыҙҙы дөрөҫ ойоштороғоҙ. Һәйбәт ял стрестарҙы тәмәкегә ҡарағанда яҡшыраҡ еңә.
Фекерҙән эш тыуа. Тартыу тураһындағы уйҙар башығыҙға ла килмәһен! Үҙегеҙҙе тәмәкеһеҙ тормош өҫтөнлөктәренә ышандырығыҙ.
«Тәмәке быҫҡытып алыу» теләген еңә алмаһағыҙ, төшөнкөлөккә бирелмәгеҙ. Яңғыҙ ғына көрәшмәгеҙ, яҡындарығыҙҙың ярҙамын һорағыҙ. Маҡсатығыҙға ирешәсәгегеҙгә шикләнмәгеҙ.
Үҙегеҙгә күҙ һалығыҙ. Һеҙ хәҙер бөтөнләй икенсе кеше, тормошоғоҙҙоң үҙенә күрә бер төрлө мәғәнәһе бар. Тәмәке ҡоло түгел, ә башҡалар өсөн – насар ғәҙәттән көслө ихтыяр менән ҡотола алыусы кеше үрнәк.