+16 °С
Облачно
Һаулыҡ һаҡлау
27 Июля 2020, 03:23
Остеопорозды булдырмау өсөн түбәндәге ҡағиҙәләрҙе иҫтә тотоғоҙ
Организмды кальций менән даими туҡландырығыҙ. Әгәр ҙә һеҙгә кальций ҡытлығы диагнозы ҡуйғандар икән, төрлө диета менән мауыҡмағыҙ. Хәҙерге заман ҡатын- ҡыҙҙары организм өсөн кәрәкле кальцийҙың яртыһын ғына ризыҡтан ала. Был минералдың төп сығанағы – һөт һәм һөт ризыҡтары. Кальций балыҡта, ҡуйы йәшел япраҡлы йәшелсәлә, бигерәк тә кәбеҫтәлә күп.
Организмға кальцийҙы үҙләштерергә булышлыҡ итеүсе D витаминын да даими ҡулланығыҙ. Ул балыҡта бар. Организм уны тире аша ҡояш нурҙарынан синтезлай. Битте һәм ҡулдарҙы ун минут дауамында ҡояшта тотһаң да, ошо витаминды алырға мөмкин.
Хәмер эсеүҙе сикләгеҙ. Алкоголь бауырҙа D витаминын эшкәртергә ҡамасаулай, кальций ҙа үҙләштерелмәй. Һөйәктәр тиҙ һыныусанға әйләнә, аяҡ, ҡул һындырыу ихтималлығы арта.
Ҡәһүә эсмәгеҙ. Ул организмдан кальцийҙы сығарыу үҙенсәлегенә эйә.
Күберәк хәрәкәтләнегеҙ. Һөйәк системаһына иң ҙур зыян күп ултырғандан килә. Бер нисә туҡталышты йәйәү үтегеҙ, баҫҡыстан йөрөгөҙ, аэробика менән шөғөлләнегеҙ, йөҙөгөҙ. Гантелдәр менән гимнастика яһау ҙа яҡшы.
25 йәштән һуң көнөнә 800 мг кальций кәрәк. 35 йәштән һуң был норма аҙ буласаҡ. Шуға кальций препараттарын ҡулланығыҙ.
Фото: Т,Аманов
