Бөтә яңылыҡтар
Һаулыҡ һаҡлау
11 Ноябрь 2019, 07:41

Үҙ асылыңды белгең киләме?

Үҙ-үҙеңде аңлау, дөрөҫ ҡабул итеү еңелдән түгел. Кемдер был шөғөлгә бөтә ғүмерен сарыф итә. Ә шулай ҙа бала саҡтан һалынған сте­реотиптарҙан ҡапыл ғына арынып булмай, шулаймы? Үҙеңдең асылыңды аңлау өсөн, дөрөҫөн әйткәндә, күп ваҡыт талап ител­мәй. Мин һеҙгә бәлә­кәй генә тест тәҡдим итәм. Ҡулығыҙға ручка, ҡағыҙ алығыҙ. Аҫтағы һорауҙарға ғәҙел генә яуап бирегеҙ. Оҙаҡ уйлау кәрәкмәй, ба­шығыҙға ниндәй яуап иң беренсе килә, шуны йәһәт кенә яҙып ҡу­йығыҙ. Сөнки тәүге фекер – иң дөрөҫө! Һәм бер кем дә, бер нәмә лә ҡама­сауламаһын – үҙегеҙгә саҡ ҡына ваҡыт йәлләмәгеҙсе, дуҫтарым.

1. Минең өсөн тормошта иң мөһиме – ...
2. Минең өсөн иң әһәмиәтле кешеләр – ...
3. Мин борсолоуҙарым – ...
4. Мине тынысландырыусы – ...
5. Минең өсөн “уңыш”(успех) һүҙ ул – ...
6. Башҡалар минең турала ошолай уйлаһын ине – ...
7. Мине күңелһеҙләндергәне – ...
8. Мине ҡыуандырғаны – ...
9. Мине асыуландырғаны – ...
10. Мин үҙемде ошолай баһалайым – ...
11. Мин ғүмерҙе ҡәҙерләйем, сөнки – ...
12. Мин ниҙән ҡурҡам – ...
13. Ниҙән мин оялам – ...
14. Мин нимәне яҡшы эшләйем – ...
Ошо һорауҙарға яҙған яуаптарығыҙҙы иғтибар менән уҡығыҙ һәм бер нәмәне лә төҙәтергә ашыҡмағыҙ. Башығыҙға килгән тәүге фекерҙәр – бөгөнгө көндә һеҙҙең өсөн иң дөрөҫө, иң ҡулайлыһы икәнен онотмағыҙ. Әгәр ҙә яуаптарығыҙ ғәҙел икән, уларҙы анализларға мөмкин. Күп ваҡытта ошолай ябай ғына һынамыш тормошҡа ҡа­рашты үҙгәртергә, өҫтөн­лөктәрҙе яңынан билдәләргә, йә­шәйешегеҙҙе яҡшыртырға ярҙам итә.
Үҙегеҙгә нимә оҡшай, нимә һеҙҙең кү­ңелегеҙҙе күтәрә – шул шөғөлгә ваҡы­тығыҙҙы йәлләмәгеҙ. Кәйефегеҙҙе тө­шөргән, аҙаҡтан бит ҡыҙартырлыҡ хәлдәрҙән алыҫ булырға тырышығыҙ.
Һәм, әлбиттә, дуҫтарым, ниҙер аң­лашылмай ҡалһа, “Бәйләнештә” сел­тәрендәге битем асыҡ. Рәхим итегеҙ.
Читайте нас в