ҮҘ ЙӨРӘГЕНЕҢ ҺЫҘЛАУЫН БАШҠАЛАРҒА БЕЛДЕРМӘЙ

Көн дә ер-әсәбеҙгә нур һибеп атҡан ҡояшҡа, донъяға, үҙе аралашҡан, дуҫлашҡан кешеләргә сикһеҙ ғашиҡ, тормоштоң һәр көнөнән, сәғәтенән ҡыуаныс таба белгән, республикабыҙға, халҡыбыҙға күберәк изгелек ҡылып ҡалырға ашыҡҡан Сәғәҙәт Суфиев тураһында күптәрҙән йылы һүҙҙәр ишеткәнем бар. Байтаҡ йылдар осрашҡанда, хәл-әхүәл һорашып, һаулыҡ ҡушып йөрөйбөҙ. ҡыҙҙарыбыҙ ҙа Ишембай ҡалаһының Әхмәтзәки Вәлиди исемендәге 2-се республика башҡорт гимназияһында бер класта уҡыны. Уның тураһында бер нисә тапҡыр гәзиткә яҙырға уҡталып ҡуйған саҡтар ҙа булды. Тик һәр ваҡыт, ниндәйҙер сәбәптәр арҡаһында, был ниәтем тормошҡа ашмай килде. Һәм, ниһайәт, уйҙарымды аҡ ҡағыҙ битенә төшөрөр мәл етте.

ҮҘ ЙӨРӘГЕНЕҢ ҺЫҘЛАУЫН БАШҠАЛАРҒА БЕЛДЕРМӘЙ