Башҡортостанға ҡурҡыныс дауыл килә

Иртәгә, 9 сентябрҙә, Башҡортостанда һауа торошоноң насарайыуы көтөлә. Был хаҡта республиканың Ғәҙәттән тыш хәлдәр министрлығының матбуғат хеҙмәтенән хәбәр иттеләр.

Көндөҙ республикала йәшен ваҡытында елдең тиҙлеге секундына 15-20 метрға тиклем етеүе, ә төнөн һәм иртән күреү мөмкинлеге 500 метрға тиклем кәмеп томан төшөүе фаразлана.

Республикала һауа температураһы төнөн +7, +12°С, көнсығышта +2°С-ҡа тиклем, көндөҙ +14, +19°С буласаҡ.