+26 °С
Ясна
Яңылыҡтар таҫмаһы
15 Июль , 12:10
Башҡортостанда һыу баҫыу ихтималлығы хаҡында киҫәтәләр
Башҡортостан буйынса Ғәҙәттән тыш хәлдәр министрлығының матбуғат хеҙмәте хәбәр итеүенсә, 16–20 июлдә төбәктә урыны менән һыуҙың туғайҙарға сығыуы һәм түбән урындарҙы һыу баҫыуы көтөлә.
Башҡортостанда һыу баҫыу ихтималлығы хаҡында киҫәтәләр
— Әгәр һыу баҫыу ҡурҡынысы янаған биләмәлә йәшәһәгеҙ, ҡиммәтле әйберҙәрҙе, документтарҙы һәм аҙыҡ-түлек запастарын өҫкө ҡатҡа йәки бейегерәк урынға күсереп ҡуйығыҙ. Тышта йөрөгәндә һелкенеп торған ҡоймаларҙы, ағастарҙы урап үтегеҙ, өҙөлгән электр сымдарына яҡын килмәгеҙ. Һаҡ булығыҙ! — тип киҫәтә ведомство белгестәре.
Иртәгә республикала ҡыҫҡа ваҡытлы ямғырҙар яуыуы көтөлә. Айырым райондарҙа йәшен йәшнәйәсәк, көндөҙ боҙ-борсаҡ яуыуы ихтимал. Көньяҡ райондарҙа иһә яуым-төшөмһөҙ буласаҡ. Ел көньяҡ-көнбайыштан, көнбайыштан төндә талғын, көндөҙ урыны менән көсәйеүсән. Һауа температураһы төндә +11...+16°, көндөҙ +22...+27° градус тәшкил итәсәк.
