Өфөлә урологтар, онкологтар форумы үтте

 Башҡорт дәүләт медицина университеты форумдың төп майҙанын тәшкил итте. Саралар Халыҡ-ара студенттар кампусында үтте.

БДМУ ректоры Валентин Павлов әйтеүенсә,  форум профессиональ диалог өсөн  таридицион майҙанға әүерелде.

  — Беҙ медицина фәне һәм медицина өлкәһендәге  алдынғы белгестәрҙе беҙҙең кампус майҙанына йыябыҙ. Был сараның үҙенсәлеге шунда: бында бер аҙна эсендә практик табиптар, тикшеренеүселәр һәм  ғалимдар тәжрибә уртаҡлашыу өсөн  осраша ала, – тине ул.

Форум барышында ординаторҙар  аттестация үтте һәм үҙҙәренең тикшеренеүҙәренең һөҙөмтәләрен күрһәтте. Эштәрҙең күп өлөшө  һанлы технологияларға, инновацион дауалау ысулдарына, микробиоманы, иммун күҙәнәктәрҙе һәм генетик маркерҙарҙы өйрәнеүгә арналды.

Фото:БР Һауылыҡ һаҡлау министрлығының матбуғат хеҙмәте.