+22 °С
Ямғыр
Яңылыҡтар таҫмаһы
28 Июнь , 06:00
Ҡояшта янһаң нимә эшләргә?
Ҡояшта яныуҙан дауаланыуҙың халыҡ медицинаһы түбәндәге ысулдарын тәҡдим итә.
Ҡояшта янһаң нимә эшләргә?
- Тирене һыуытыу һәм ауыртыуҙы баҫыу өсөн эремсектән компресс эшләргә мөмкин. Бының өсөн эремсекте май бешкәндән һуң ҡалған айранға ҡушып бутарға һәм шуны етен таҫтамалға һалып, янған урынға ябырға ла, 20 – 30 минут тоторға. Был процедураны көнөнә ике тапҡыр эшләргә мөмкин. Эремсекте ҡаймаҡ, кефир, һөт, әсегән һөт менән дә алмаштырырға була.
- Янған урынға ҡырғыстан үткәрелгән кишерҙе һәм картуфты марляға һалып ябырға.
- Тоҙланмаған аҡ майға сей йомортҡа ҡушып бутап та компресс эшләйҙәр (100 г майға ике йомортҡа алына).
- Янған урынға һалҡын ҡыяр, помидор, ҡарбуз, картуф, ҡыҙыл көртмәле һуты, һыуынған ҡаты сәй һөртөргә лә ярай.
- Тиренең ҙур ғына өлөшө янып, ҡабарып сығып торһа, аспирин ярҙамға килер. Ул ауыртыуҙы ла, ялҡынһыныуҙы ла баҫа. Дарыуҙы дүрт сәғәт һайын ике төймә эсергә.
- Ҡояшҡа ныҡ янғанда Е һәм С витаминдары ла ярҙамға килә. Улар тире күҙәнәктәренең зыян күргән өлөшөнең тергеҙелеүенә булышлыҡ итә.
- Ҡояшҡа яныу организмда һыуға ҡытлыҡ тыуҙыра, шунлыҡтан күберәк эсергә кәрәк. Иң яҡшыһы – сәй, йә булмаһа төрлө һутҡа минераль һыу ҡушып эсеү.
