Июль һәм август айҙарына көтөлмәгән фараз

Июлдең беренсе ун көнлөгөндә көн торошо һалҡынса буласаҡ. «Фобос» үҙәге мәғлүмәттәре буйынса, көндөҙ бары тик +17, +20 градус ҡына көтөлә, ә төндә иһә +5 градус ҡына йылы буласаҡ. Әммә 15 июлдән һуң хәл ҡырҡа үҙгәрәсәк. Һауа температураһы +24, +27 градусҡа тиклем күтәреләсәк, ә ай аҙағына +30 градус һәм унан да юғарыраҡ буласаҡ. Фараздар буйынса, был йылылыҡ тулҡыны тотороҡло буласаҡ. Эҫе көн торошо яҡынса 30 июлгә тиклем һаҡланасаҡ.

Ә бына август айы, синоптиктар мәғлүмәттәре буйынса, икенсе төрлө сюрприз әҙерләй. Әллә ни эҫе булмай — температура климат нормаһына ярашлы, +15, +19 градусҡа тиклем түбәнәйәсәк. Шул уҡ ваҡытта йәйҙең һуңғы айының аномаль ямғырлы булыуы көтөлә. Яуым-төшөм күп буласаҡ, айырыуса көньяҡ райондарҙа, ә төньяҡ һәм көнсығыш райондарҙа иһә ғәҙәттәгенән артыҡ яумаясаҡ.