Яҡташтарҙы ярҙамһыҙ ҡалдырмайбыҙ

Тәтешлеләр махсус хәрби операция зонаһына 48-се гуманитар ярҙам ебәргән. Йөктө район хакимиәте башлығы Денис Солтанов оҙатып барған.

Хәрбиҙәргә «Нива» машинаһы, мобиль мунса, генераторҙар, маскировка селтәрҙәре, төҙөлөш материалдары һәм шәхси посылкалар тапшырылған.

«Был конвой – ирекмәндәр, райондың һәр кешеһенең, беҙҙең водителдәрҙең дөйөм  эшенең һөҙөмтәһе. Яҡташ яугирҙарыбыҙ райондаштары уларға һәр саҡ терәк буласаҡтарын белә, рәхмәт һүҙҙәрен еткерә. Илебеҙ мәнфәғәте һағында тороусыларға беҙ даими ярҙам итәсәкбеҙ», – тип яҙған социаль селтәрҙә Тәтешле районы хакимиәте башлығы Денис Солтанов.