Намыҫһыҙҙар...

Элемтә операторҙары 10-20 мең һум аҡсаға алданып, МХО-ла һәләк булған, хәбәрһеҙ юғалған яугирҙарҙың сим-карталарын криминаль схеманы ойоштороусыларға тергеҙеп биргән. Аферистар яугирҙарҙың ғаиләләренән аҡса һурған, кемеһен ҡурҡытып, кемеһенә психологик баҫым яһап...

БР буйынса ЭЭМ менән ФСБ хеҙмәткәрҙәре был енәйәти төркөмдөң эшмәкәрлеген туҡтатты.

Оперативниктар ойошҡан төркөмдөң туғыҙ ҡатнашыусыһын, шул иҫәптән һатыу офистарының биш хеҙмәткәрен ҡулға ала. Тентеүҙәр барышында мобиль ҡоролмалар, электрон мәғлүмәт саралары, банк һәм сим-карталар, шулай уҡ иҫбатлау әһәмиәтенә эйә булған башҡа әйберҙәр тартып алына.

Фигуранттарға ҡарата һаҡ аҫтына алыу йәки ситкә сығып китмәү һәм тейешле тәртип тураһында ҡултамға рәүешендә иҫкәртеү саралары һайланған. Стәрлетамаҡтан Тәфтиш бүлеге тәфтишсеһе РФ ЕК 274.1 статьяһының 4-се өлөшөндә ҡаралған енәйәт билдәләре буйынса енәйәт эштәре ҡуҙғатҡан.

Законһыҙ эштең бөтә факттарын һәм ҡатнашыусыларын асыҡлау буйынса саралар үткәрелә.

Фото һәм видео: https://web.max.ru/-69583385867562