Водителдәр иғтибарына

Был турала баш автоинспектор Владимир Севастьянов белдерҙе:

- Ағымдағы йылдың биш айы йомғаҡтары буйынса Башҡортостан Республикаһы биләмәһендә йөк транспорты водителдәре ҡатнашлығында 87 юл-транспорт ваҡиғаһы теркәлгән, уларҙа 28 кеше һәләк булған һәм 92 кеше яраланған. Бындай фажиғәләрҙе иҫкәртеү маҡсатында 8 июндән 28 июнгә тиклем "Йөк автомобиле" сара үткәрелә. Йөк транспорты водителдәренә, иҫерек килеш идара итеүселәргә, водитель таныҡлығынан мәхрүм ителгәндәргә йәки булмағандарға айырым иғтибар биреләсәк. Шулай уҡ транспорт сараларының техник торошо һәм конструкцияһы, ғәмәлдәге диагностик карталар, тахограф, водителдәрҙең хеҙмәт һәм ял режимы ла күҙ уңынан ысҡындырылмаясаҡ.

Юл хәрәкәте хәүефһеҙлеген тәьмин итеү буйынса күрелгән сараларҙы аңлап ҡабул итеүегеҙҙе һорайым.

Фото: https://web.max.ru/-70955893563411