Йәшен ваҡытында хәүефһеҙлектең төп ҡағиҙәләре

Йәшен ваҡытында хәүефһеҙлектең төп ҡағиҙәләре һәм талаптары:

– урамда булһағыҙ, яҡындағы бина эсенә инеп тороғоҙ;

– төркөм булып китеп барырға ярамай;

– һыуҙа, хатта яр буйында ла ҡалырға ярамай;

 – бейек ағастар эргәһендә тормағыҙ;

– электр уты сымдары һәм тимер конструкцияларҙан да алыҫ булыуың яҡшы;

– ҡулсатыр менән файҙаланыу хәүефле;

- кеҫә телефоны аша һөйләшмәгеҙ;

– металл биҙәүестәрҙе сисеп, сумкаға һалығыҙ;

– өйҙә мейестең йүшкәһен, тәҙрә, ишектәрҙе ябырға, телефон менән ҡулланмаҫҡа, батарея һәм крандарға тотонмаҫҡа кәңәш ителә (улар йәшенде яҡшы үткәрә);

– велосипедта йә мотоциклда китеп барғанда туҡтарға һәм транспортты ергә һалып, кәмендә 30 метр алыҫлыҡҡа китергә кәрәк;

– машинала китеп барғанда юл ситенә туҡтарға ла, тәҙрәләрҙе ябып, йәшенле ямғыр бөткәнен көтөп торорға;

- ҡырҙа саҡта усаҡты мотлаҡ һүндерергә, тимер әйберҙәр (көрәк, мангал һ.б.) палатканан 15-20 метр алыҫлыҡта булһын;

- юғары вольтлы электр линияларынан алыҫыраҡ булыу яҡшы.

Имен-аман булығыҙ!

Фото: ИИ.