Диабетиктар өсөн файҙалы осрашыу үтте

Сараның маҡсаты — халыҡҡа шәкәр диабеты һәм преддиабет тураһында мәғлүмәт еткереү, туҡланыү һәм йәшәу образы буйынса кәңәштәр биреү, шулай уҡ мотлаҡ медицина страховкалауы системаһында пациенттарҙың хоҡуктары тураһында һөйләү. Осрашыуҙы БР Йәмәғәтселек палатаһының һаулыҡ һаҡлау буйынса комиссия рәйесе Диана Фарахова «СОГАЗ‑Мед» акционерҙар йәмғиәте менән берлектә ойошторҙо. Сарала тиҫтәләгән кеше ҡатнашты. Улар файҙалы лекциялар тыңлап ҡына ҡалманы, был мәкерле ауырыуҙы дөрөҫ дауалау буйынса ғәмәли кәңәштәр ҙә алды.Осрашыу һуңында улар файҙалы бүләк - диабетиктар өсөн браслет алды. Ул киҫкен хәл килеп тыуғанда ярҙам итеүе ихтимал.