Ул  әлеге ваҡытта Өфөлә милли геройҙың һәйкәленә реставрация барыуын иҫкә төшөрҙө. Апрелдә ҙур комиссия реставрация цехын барып ҡараны.

     — Реставраторҙар һәйкәлдең 80 процентҡа яҡынын алмаштырырға, яңы элементтар эшләргә кәрәклеген әйттеләр. Ошоға бәйле беҙ уйландыҡ, сөнки металл бигүк юғары сифатлы түгел, – тине төбәк етәксеһе. – Шунлыҡтан яңы идея тыуҙы, мин уны йәмәғәтселеккә  һәм республика халҡы  ҡарамағына тәҡдим иттем. Ауырыраҡ, әммә ышаныслыраҡ юл менән барырға була –  бронзанан элеккеһен теп-теүәл ҡабатлаған яңы һәйкәл ҡойорға.

Радий Фәрит улы, элекке һәйкәлде реставрациялағанда, ул 10, 20, 50 йыл тороуы ихтимал, тип билдәләне, ә бронзанан эшләнгән һәйкәл оҙаҡҡараҡ етәсәк.

   — Әле реставрацияла булған һәйкләде беҙ мотлаҡ эшләйсәкбеҙ,  – тине ул һәм үҙенең хакимиәтенә һәйкәлде бронзанан эшләү планын төҙөргә ҡушты.