Башҡортостанда ҙур янғын

Башҡортостандың РФ Ғәҙәттән тыш хәлдәр министрлығының БР буйынса идаралығының янғын һүндереүселәре 7 майҙа Бәләбәй янындағы урманда  ҙур янғынды һүндерә. Уның майҙаны 10 гектар тәшкил иткән.

 Ут урман янындағы ҡоро ерҙе ялмап ала. 2026 йылда республикабыҙҙа тәүге тәбиғәт янғындары 30 мартта башланды: ут Шишмә районында булды.

6 апрелгә миҙгел башынан янғын сыҡҡан дөйөм  майҙан  23,43 гектарға етә.

30 апрелдән республикала янғынға ҡаршы махсус режим ғәмәлдә.

Властар уны үткән йылдарҙағы анализды иҫәпкә алып һәм май байрамдары менән бәйле индерҙе. Башҡортостан урмандарында янғын хәүефе миҙгеле 2026 йылдың 8 апрелендә — бер йыл элеккегә ҡарағанда ун көнгә иртәрәк башланды.

Синоптиктар фаразлауынса, майҙан сентябргә тиклем күпселек районға юғары, ә урыны менән ғәҙәттән тыш янғын хәүефе янай.

Башҡортостандың Ғәҙәттән тыш хәлдәр буйынса дәүләт комитеты рәйесе Кирилл Первов хәбәр итеүенсә, 214 тораҡ пункт, 48 балалар лагеры һәм 69 баҡсасылар ширҡәте айырым хәүеф зонаһына инә. Уларҙың һәр береһен уттан ҡурсалау буйынса белгестәр айырым план эшләй.