Яңылыҡтар таҫмаһы
29 Апреля , 11:10

Башҡортостан Башлығы Хакимиәтендә Өфө мэрын ҡулға алыуға аңлатма бирҙеләр

Республика Башлығы Өфө хакимиәте етәкселеге тирәләй хәл-ваҡиғалар тураһында белә. Хоҡуҡ һаҡлау органдары процессуаль ғәмәлдәр комплексын үткәрә, уларҙың һөҙөмтәләре буйынса ҡаралған эштең шарттарына һәр яҡлап һәм объектив баһа биреләсәк. Был хаҡта «Башинформ» агентлығына Башҡортостан Башлығы хакимиәтенең матбуғат хеҙмәтенән хәбәр иткәндәр.

Башҡортостан Башлығы Хакимиәтендә Өфө мэрын ҡулға алыуға аңлатма бирҙеләрБашҡортостан Башлығы Хакимиәтендә Өфө мэрын ҡулға алыуға аңлатма бирҙеләр
Башҡортостан Башлығы Хакимиәтендә Өфө мэрын ҡулға алыуға аңлатма бирҙеләр

Кисә иртән хоҡуҡ һаҡлаусылар Өфө мэры Ратмир Мәүлиевты ҡулға алды. Рәсәй Тәфтиш комитеты Башҡортостан буйынса идаралығының матбуғат хеҙмәтендә белдереүҙәренсә, ул вазифа вәкәләттәрен арттырыуҙа һәм айырыуса ҙур күләмдә ришүәт алыуҙа шикләнелә. Тәфтишселәр һорау алыу, тентеү үткәргән.

Фото: Башинформ.

Автор:Алһыу Ишемғолова
Читайте нас