Иҫтәлекле көн менән!

"Был байрам көндәлек тырыш хеҙмәте менән властың кешеләргә яҡынлығын тәьмин итеүселәрҙең байрамы. Муниципаль хеҙмәткәр булыу үҙеңде юлдарҙы таҙартыу һәм ремонтлау мәсьәләләренән алып, күп балалы ғаиләләргә ярҙам итеүгә, махсус хәрби операцияла ҡатнашыусыларға һәм уларҙың ғаиләләренә ярҙам күрһәтеүгә тиклем мөһим мәсьәләләрҙе хәл итеүгә бағышлау тигәнде аңлата.

Урамдарҙағы таҙалыҡ, һәр ихаталағы уңайлылыҡ, ауылдарыбыҙҙың һәм ҡалаларыбыҙҙың инфраструктураһын кешеләрҙең уңайлы итеү буйынса эшләүсе хеҙмәттәрҙең һәм ойошмаларҙың өҙлөкһөҙ эшләүе һеҙҙең әүҙемлегегеҙгә һәм компетентлығығыҙға бәйле. Был гражданлыҡ хеҙмәте юғары профессионализмды ғына түгел, ә һәр кешенең күңел һиҙгерлеген, ишетеү һәм аңлау һәләтен дә талап итә. 

Бөгөн беҙҙең берҙәмлегебеҙ МХО-ла ҡатнашыусыларға ярҙам итеүҙә сағыла. Ирекмәндәр эшен аныҡ ойоштороу, граждандарҙың әүҙем ҡатнашлығы менән республиканың һәр районынан һәм ҡалаһынан гуманитар ярҙам алғы һыҙыҡҡа оҙатыла. Әле муниципаль хеҙмәткәрҙәр сафында махсус хәрби операция ветерандарының һаны ла арта бара. Уларҙың принциптары: бурыс, илһөйәрлек һәм юғары яуаплылыҡ муниципалитеттар үҫешенең төп нигеҙе булып тора.

Ҡатмарлы шарттарға ҡарамаҫтан, ҡалаларҙа һәм ауылдарҙа балалар баҡсалары, мәктәптәр, ФАП-тар һәм поликлиникалар төҙөүҙе, йәмәғәт киңлектәрен төҙөкләндереү, юлдарҙы ремонтлау, күперҙәр төҙөү менән шөғөлләнеүҙе дауам итәбеҙ. Беҙҙең дөйөм бурыс – Башҡортостандың һәр мөйөшөндә тормошто эҙмә-эҙлекле рәүештә уңайлыраҡ итеү. Һеҙҙе, пландарыбыҙҙы яҡшы ваҡытҡа тиклем кисермәйенсә, бөгөндән үк киләсәк тураһында уйларға, инициатива күрһәтергә, территорияларҙы төҙөкләндерергә, үҫтерергә саҡырам.

Лайыҡлы хеҙмәтегеҙ һәм битараф булмауығыҙ өсөн рәхмәт. Һеҙгә ныҡлы һаулыҡ, именлек, тыуған республикабыҙ именлеге хаҡына бөтә изге эштә һәм башланғыста уңыштар теләйем!

Башҡортостан Башлығы Радий Хәбиров".