Йәштәр ауыр йәрәхәтләнгән

Яҡынса мәғлүмәттәр буйынса, бөгөн төнгө сәғәт икелә Октябрь проспектында водитель таныҡлығы булмаған 20 йәшлек водитель «Дарекс» кросс мотоциклы руле артында «Хендай Санта Фе» машинаһы менән бәрелешкән.

Юл-транспорт ваҡиғаһы һөҙөмтәһендә 20 йәшлек мотоцикл водителе һәм уның 16 йәшлек пассажиры күп һанлы йәрәхәттәр менән дауаханаға оҙатылған.

Авария буйынса административ тикшереү бара.

Дәүләт автоинспекцияһы иҫкә төшөрә: кросс мотоциклында дөйөм ҡулланылыштағы юлдарҙа йөрөү тыйыла, сөнки ул спорт инвентары тип һанала, ПТС-ы ла, көҙгөләре лә, яҡтылыҡ сығанаҡтары ла юҡ. Водитель таныҡлығы булмаған осраҡта транспортта йөрөү тыйыла!

Фото: https://web.max.ru/-70971064194553