Вахтаға китә һәм унан кире әйләнеп ҡайтмай

Өфө ҡыҙы Иркутск өлкәһенә эшкә киткән һәм һәләк булған. Суд уның ата-әсәһенә өс миллион һум компенсация  түләү тураһында ҡарар сығара.

БР Прокуратураһынан хәбәр итеүҙәренсә, 2022 йылдың декабрендә Өфө ҡыҙы Иркутск өлкәһе Усть-кутский районының Марков нефть-газ конденсаты ятҡылығы биләмәһендә урынлашҡан нефть компанияһының газ эшкәртеү цехында эшләгән. Производствола бәхетһеҙ осраҡ килеп сыға, һәм подряд ойошмаһы хеҙмәткәре алған йәрәхәттәренән вафат була.

Прокуратуранан судҡа компаниянан  ҡыҙҙың ата-әсәһенә  мораль зыянды компенсациялауҙы талап итеү тураһында ғариза менән мөрәжәғәт итәләр.

Суд был талаптарҙы ҡәнәғәтләндерә һәм яуап биреүселәрҙе һәләк булған ҡыҙҙың ата-әсәһенә  өс миллион һум аҡса түләргә мәжбүр итә. Суд ҡарары үтәлә.