+22 °С
Ямғыр
Яңылыҡтар таҫмаһы
9 Апрель , 12:00
Бөрөләрҙе йыйып, шифаһын күреп ҡалығыҙ
Яҙғы, айырыуса йәш урман апрель-май айында ысын мәғәнәһендә иң ҡиммәтле дауалау үҙәгенә әүерелә. Уның ниғмәттәрен ваҡытында йыйып, дөрөҫ файҙаланыу ғына кәрәк. Ағас бөрөһөндә иҫ киткес шифалы үҙенсәлеккә эйә бик күп биологик актив матдә барлыҡҡа килә.
Бөрөләрҙе йыйып, шифаһын күреп ҡалығыҙ
Ҡайын бөрөһө
Күптәрҙең яратҡан ағасы ҡайын халыҡта элек-электән үҙенең шифалы үҙенсәлектәре менән дә билдәле. Айырыуса бөрөләре файҙалы: микробтарға ҡаршы ла ҡулланыла, ҡанды туҡтатыу, яраны бөтәштереү үҙенсәлегенә лә эйә, көслө бәүел һәм үт ҡыуыу сараһы булараҡ та тәҡдим ителә.
Ҡайын бөрөһөнән шифалы төнәтмә әҙерләйҙәр.
- Бер ҡалаҡ бөрөгә ҡайнар һыу ҡойоп, талғын утта 15 минут тотҡандан һуң, һөҙөп алалар һәм тағы бер аҙ ҡайнар һыу өҫтәйҙәр.
Пиелонефрит, бөйөр ауыртҡанда, бөйөрҙә таш булғанда ашағандан һуң көнөнә 3 – 4 тапҡыр ике ҡалаҡ эсергә.
- Биш ҡалаҡ ҡайын бөрөһөнә 0,5 литр араҡы ҡойоп, 2 – 3 аҙна ҡараңғы урында бутай-бутай төнәтергә. Һуңынан һөҙөп, ҡараңғы урында һаҡларға.
Гастрит, ашҡаҙан һәм бөйән эсәгендә сей яра булғанда бер балғалаҡ төнәтмәне бер рюмка араҡыға ҡушып, ашар алдынан көнөнә өс тапҡыр эсергә.
Тромбофлебит булғанда, аяҡ ҡан тамырҙары киңәйгәндә көнөнә 2 – 3 тапҡыр ҡалҡып, ҡабарып торған тамырҙарҙарға һөртөргә.
Ауыҙ тирәһе боҙолғанда көнөнә бер-ике тапҡыр төнәтмә һөртөргә мөмкин.
Фото: асыҡ сығанаҡтарҙан.
