Өмәнән ситтә ҡалмайҙар

Республика парламенты аппараты хеҙмәткәрҙәре Ҡоролтай биналарына янындағы участкаларҙа, бина эсендә тәртип урынлаштырған. 

Дөйөм ҡала өмәһендә республиканың дәүләт һәм муниципаль ойошмалары, предприятиелары хеҙмәткәрҙәре, студенттар отрядтары һәм ирекмәндәр әүҙем ҡатнаша. Урамдар, ихаталар, гараждар һәм баҡсалар тирәһендәге территориялар тәртипкә килтерелә, Ағиҙел, Өфө, Дим йылғалары һәм башҡа һыу ятҡылыҡтарының яр буйҙары таҙартыла.
Дәүләт Йыйылышы Депутаттары һәм Секретариаты хеҙмәткәрҙәре бындай экологик акцияларҙа даими ҡатнаша, тип хәбәр итәләр парламенттың матбуғат хеҙмәтенән.

Бындай саралар республиканың бөтә районында ла ойошторола.

Тәртип һәм таҙалыҡ - уңайлы йәшәйеш, кешеләрҙең матур холҡо күрһәткесе.

Фото: Дәүләт Йыйылышы – Ҡоролтай сайтынан.