Тән күгәреүен бөтөрөү өсөн

    Тәүге 20 минутта  ҡан зыян күргән тамырҙарҙан ағып сыға. Шуға күрә был урынға һалҡын әйбер ҡуйырға кәрәк.  Сөнки һалҡындан тамырҙар тарая һәм  ҡан ағышы яйлаясаҡ.  Артабанғы 8 сәғәт эсендә уны ҡурғаш һыуы менән эшкәртергә мөмкин. Ул дарыуханаларҙа һатыла. Әгәр ҙә тәнегеҙ күгәреүгә  8 сәғәттән алып бер нисә көн үткән булһа, унда инде йылы әйбер ҡуйырға кәрәк. Шул саҡта төйөлгән ҡан  тиҙерәк таралыр. Шулай уҡ иртәле-киселе “Троксевазин”  майын һөртөргә була.. Күҙегеҙгә тейҙерергә тырышмағыҙ.

Бынан тыш, йомортҡаны бөтәүләй бешереп, сепрәккә урап күгәргән урынға һалып  һыуынғансы тоторға мөмкин.  Йылы төйөлгән ҡанды таратырға ярҙам итер.

Фото:асыҡ сығанаҡтарҙан.