Үҫмер террор актын әҙерләгән!

Үҫмер украин кураторы ҡушыуы буйынса Өфөлә сиркәүҙе шартлатырға теләгән.

Башҡортостандың Тикшереү комитеты һәм ФСБ-һы Өфөлә йәшәүсе бәлиғ булмаған үҫмер әҙерләгән терактты иҫкәрткән. Мессенджер аша Украинанан куратор тарафынан вербовкаланған үҫмер ҡаланың православие сиркәүҙәренең береһендә ҡулдан яһалған ҡоролманы шартлатырға ниәтләгән.

Нимә асыҡланған:

• Мәктәп уҡыусыһы Рәсәй Федерацияһында тыйылған террористик ойошма яҡлы булған.
• Вербовкалаусы ҡушыуы буйынса ул таныштары араһында агитация алып барған, ойошмаға инергә саҡырған.
• Социаль селтәрҙәрҙә терроризмды аҡлаған комментарийҙар урынлаштырған.
• Шартлатҡыс матдәләр яһау буйынса инструкцияларҙы өйрәнгән (тентеү ваҡытында алынған) һәм диверсион-террористик акт әҙерләгән.

Енәйәт эшмәкәрлеген хоҡуҡ һаҡлау органдары туҡтатҡан. Үҫмерҙән экстремистик әҙәбиәт һәм символика тартып алынған.

Ғәйепләү өс статья буйынса белдерелгән: терроризмға булышлыҡ итеү, асыҡтан-асыҡ саҡырыуҙар һәм террористик ойошмала ҡатнашыу. Ҡулға алыу мәсьәләһе хәл ителә.

Фото: БР Тәфтиш комитеты.