Өфөлә студент ҡыҙ эш эҙләп 829 мең һум юғалтҡан.
20 йәшлек ҡыҙ мутлашыусылар тоҙағына эләгеп, ҡатмарлы схема ҡорбаны була: интернетта аҡса эшләү өсөн «кураторҙар» тәүҙә үҙенең13 меңен иҫәпкә күсерергә күндерә. Һуңынан федераль һалым инспекцияһының ялған инспекторы шылтыратып, ҡыҙҙы законһыҙ операцияларҙа ғәйепләй һәм студенттан тағы ла 85 мең һум аҡса алыуға өлгәшәләр.
Ҡурҡҡан ҡыҙ ахырҙа 700 мең һум аҡса күсерә, ҙур сумманы дуҫы кредитҡа алып бирә. Бөтә заем аҡсаһын студент шулай уҡ мутлашыусыларға ебәрә, аҡсаны тиҙҙән кире ҡайтарыу тураһында вәғәҙәләргә ышана. Мутлашыу факты буйынса тикшереү алып барыла. Тик аҡсаның кире ҡайтмауы асыҡ.
Аҡса менән эш иткәндә, бигерәк тә ҙур суммалар күсергәндә һаҡлыҡ саралары хаҡында онотмағыҙ.
