Йә, Хоҙай! Гөлназ Асаева аварияға эләккән!

Башҡортостандың атҡаҙанған артисы, билдәле йырсы Гөлназ Асаева етди аварияға эләккән. Инцидент йырсының Стәрлетамаҡ ҡалаһына сығышына юлға сыҡҡанда була. Уның менән бергә транспортта ижади төркөм ағзалары, атап әйткәндә, бейеүселәр һәм музыканттар була. Хәбәр ителеүенсә, бейеү коллективының ике бейеүсеһе етди йәрәхәтләнгән. Ваҡиға тураһында мәғлүмәт зыян күргән йондоҙҙоң әсәһе, Татарстандың атҡаҙанған артисы Лилиә Биктимерованың социаль селтәрҙәрендә баҫылып сыҡты.

"Беҙ Бәләбәйҙә, ҡыҙыбыҙ Гөлназ музыканттар һәм бейеүселәр командаһы менән бергә көслө авария кисерҙе. Ике артисыбыҙ етди зыян күрҙе. Хәҙер Гөлназ дауаханала тикшереү үтә. Ошо ваҡиға арҡаһында Стәрлетамаҡта планлаштырылған концертты туҡтатырға мәжбүрбеҙ, тамашасыларҙан ғәфү үтенәбеҙ», — тип аңлатты Лилиә Биктимерова.