Өфөгә осоусы самолетта ЧП

Нарьян-Мар — Өфө маршруты буйынса осош яһаған Самолет техник етешһеҙлек арҡаһында аэропортҡа кире ҡайтырға мәжбүр була.

Экипаж, ишек бикләнмәгән тигән датчик эшләй башлағандан һуң, боролорға ҡарар итә.

Самолет Нарьян-Марҙа имен-аман ултырҙы, тип хәбәр итәләр Ненец автономиялы округы хакимиәтенең матбуғат хеҙмәтендә.

 Онлайн-табло мәғлүмәттәре буйынса, «РусЛайн» авиакомпанияһының 7R-258 рейсы урындағы ваҡыт буйынса 14:50 сәғәттә Өфө аэропортына төшәргә тейеш була, хәҙер осоу ваҡыты 17:55 сәғәткә үҙгәртелгән.

Нарьян-Мар аэропорты  авиакомпанияның рейсты башҡарыу өсөн резерв борт ебәреүе тураһында хәбәр итә.