+11 °С
Облачно
Яңылыҡтар таҫмаһы
12 Февраля , 16:00
Доғам
Бар уйҙарым һиндә генә, Һине уйлап тын алам, Иртә-кисен ҡабатлайым: “Тик иҫән-һау бул, балам”.
Доғам
Һөйләшеүең һалҡын ҡына,
Ҡамасаулайым һаман…
Шылтыратма, теләмәһәң,
Тик иҫән-һау бул, балам.
Эштәрең ыңғай барамы,
Йонсотманымы ҡалаң?
Доға итеп ҡабатлайым:
“Тик иҫән-һау бул, балам”.
Изге уйлы кешеләрҙең
Уртаһында бул, балам…
Илатһаң да, онотһаң да,
Иҫәнлек теләп ҡалам.
Фирүзә Абдуллина
Новости партнеров
