-12 °С
Болотло
Бөтә яңылыҡтар
Яңылыҡтар таҫмаһы
10 Февраль , 19:15
Риелтор-рецидивист
Өфөнән 40 йәшлек ҡатын "ҡабатлау – ғилемдең әсәһе" тигән принцип буйынса йәшәй, ахыры. Ошоға тиклем дә кешеләрҙе, фатирлы итәм, тип алдап, аҡсаларын урлағаны өсөн хөкөм ителһә лә, ҡабаттан шул уҡ шөғөлөнә тотоноп, 35 зыян күреүсенән 29 миллион һумдан ашыу аҡса сәлдергән.
Риелтор-рецидивист
Өфөлә прокуратура судҡа 29 миллион һумдан ашыу суммаға мутлашыу тураһында енәйәт эшен ебәрҙе. Был турала Башҡортостан Республикаһы прокуратураһы хәбәр итә:
- Өфө прокуратураһы мутлашыуҙа ғәйепләнгән 40 йәшлек урындағы ҡатынға ҡарата енәйәт эше буйынса ғәйепләү һығымтаһын раҫланы.
Тикшереү версияһы буйынса, 2020-2023 йылдарҙа ҡатын дәүләт программаһы сиктәрендә льготалы шарттарҙа граждандарҙан риелторлыҡ хеҙмәттәре өсөн аҡса ала.
Үҙенә йөкмәтелгән бурыстарҙы үтәү ниәте лә, мөмкинлеге лә булмаһа ла, ул 35 зыян күреүсенән 29 миллион һумдан ашыу аҡса урлап, үҙ мәнфәғәтендә ҡуллана.
Элек ошоға оҡшаш енәйәт өсөн хөкөм ителгән ҡатын енәйәттәрҙе башҡарыуҙа ғәйепле булыуын таный. Енәйәт эше Өфөнөң Киров районы судына ҡарау өсөн ебәрелгән.
Фото: асыҡ сығанаҡтарҙан.
Новости партнеров