Тыуған көнөң менән, ҡурсаҡ театры!

Байрам шаршау асылғанға тиклем үк башланды. Фойела ҡунаҡтар алдында көнсығыш әкиәттәре геройҙары ҡатнашлығында ҙур булмаған тамаша ойошторолдо. Театр тарихына арналған һорауҙарға дөрөҫ яуап биреүселәргә иҫтәлекле бүләктәр тапшырылды.

- Беҙҙең театр репертуары балалар өсөн генә түгел, өлкәндәргә лә иҫәпләнгән.  Быйыл тамашасыларыбыҙҙы тағы ла байтаҡ яңылыҡтар көтә, беҙгә килеү байрамға тиң булыр тип ышанабыҙ!-  – тине театр директоры Альберт Имаметдинов сәләмләү сығышында һәм быйылғы ижад миҙгелендә буласаҡ премьералар тураһында һөйләп үтте.

Артабан тамашасылар үҙенсәлекле әкиәт ҡарап кинәнде.