Суд алдында - ришүәтсе

Тәфтиш комитетынан хәбәр итеүҙәренсә, Стәрлетамаҡ ҡалаһы буйынса тәфтиш бүлеге вазифа вәкәләттәрен арттырыуҙа һәм ришүәт алыуҙа ғәйепләнгән коррекция мәктәп-интернатының элекке директорына ҡарата енәйәт эшен тикшереүҙе тамамлаған.

Тикшереү барышында ғәйепләнеүсенең үҙ вазифаһындағы урынын файҙаланып, үҙ ҡарамағындағы биш хеҙмәткәрҙән даими рәүештә, эш күрһәткестәренә ҡарамайынса, бүләкләүҙә булышлыҡ итеү, шулай уҡ учреждениела эшләү процесында дөйөм ҡурсалау өсөн ришүәт алыуы асыҡлана. Директорға бөтәһе 350 мең һумдан ашыу аҡса тапшырыла, ул уны үҙ ихтыяры буйынса ҡуллана.  Хөкөм ҡарарының үтәлешен тәьмин итеү маҡсатында тәфтишсенең үтенесе буйынса уның мөлкәтенә арест һалына. Тикшереү етерлек дәлилдәр базаһын йыя, шуға бәйле енәйәт эше судҡа ҡарау өсөн ебәрелгән.

Фото: асыҡ сығанаҡтарҙан.