"Яугирҙарға ярҙам - төп бурысыбыҙ"

– БР  Башлығы Радий Фәрит улы Хәбиров үҙенең Мөрәжәғәтнамәһендә: «Барыһы ла Еңеү өсөн!" тип беҙҙең алда торасаҡ бурыстарҙы аныҡ әйтте. Махсус хәрби операцияла ҡатнашыусыларҙың ғаиләләренә ярҙам итеү беҙҙең эшмәкәрлектең төп йүнәлеше булып тора. Был ул хәл ителергә тейешле мәсьәлә генә  түгел, бөгөн илебеҙ мәнфәғәттәрен яҡлаусылар алдындағы төп бурысыбыҙ. Һәр ғаилә айырым ҡараш, иғтибарға мохтаж булыуын  беҙ аңлап торабыҙ, был – беҙҙең фондтың төп эш принцибы. Шуға күрә эш һәр яугир менән айырым эшләүгә,  маҡсатҡа ирешә алыуға ҡорола. Беҙ юридик, медицина һәм психологик ярҙамдан алып, эшкә урынлашыуҙа һәм ял ойоштороуҙа ярҙам итеүгә тиклем төрлө хеҙмәттәр күрһәтергә әҙербеҙ.

 Республика етәксеһе сығышында , беҙ көслө булырға, ҡаршылыҡтарға һәм яңы саҡырыуҙарға әҙер булырға тейешбеҙ, тип билдәләне. Беҙҙең көс – берҙәмлектә. Күп милләтле Башҡортостанда Рәсәй халыҡтарының берҙәмлеге йылы сиктәрендә берҙәмлекте нығытыуға йүнәлтелгән байтаҡ проекттарҙы тормошҡа ашырыуҙы планлаштырабыҙ. Иң ҙур саралар араһында – республика халҡын берләштергән традицияларҙы һәм ҡиммәттәрҙе һаҡлауға һәм тергеҙеүгә йүнәлтелгән мәҙәни һәм спорт сараларын үткәреү. Йәштәрҙе тарихи хәтерҙе һаҡлауға һәм патриотизм тәрбиәләүгә йүнәлтелгән проекттарға йәлеп итеүгә баҫым яһаласаҡ. Беҙ бергә  МХО-ла ҡатнашыусыларҙың ғаиләләренең тормошо һәм үҫеше өсөн уңайлы шарттар булдырып, уларҙың иртәгәге көнгә ышанысын нығытып, үҙ проблемаларында яңғыҙ түгеллеген күрһәтә алырбыҙ, тип ышанам.