Ашҡаҙанығыҙ яҡшы эшләйме?

Һорауҙарға “эйе” йәки  “юҡ” тип яуап бирергә.

1. Ғәҙәти көн режимығыҙ бик тығыҙмы?
2. Көнөнә ике тапҡыр ғына, әммә яҡшы итеп ашайһығыҙмы?
3. Беҙҙең тынғыһыҙ заманда тиҙ әҙерләнә торған ризыҡтарҙы ашау дөрөҫ һәм үҙен аҡлай, тигәнгә ышанаһығыҙмы?
4. Көн дә итле ризыҡ ашарға кәрәк, тип иҫәпләйһегеҙме?
5. Эс ҡатыуы һәм эс китеүе менән йыш интегәһегеҙме?
6. Эсте йомшарта торған дарыуҙарҙы йыш ҡулланаһығыҙмы?
7. Ашҡаҙанығыҙ ауыртып йонсотамы, ашағандан һуң үҙәгегеҙ көйәме?
8. Миҙгелгә ҡарамай теләгән аҙыҡ-түлекте һатып алаһығыҙмы?
9. Ашҡаҙанға ауыр булып торғанда, дарыу ҡулланаһығыҙмы?
10. Ғаиләгеҙҙә ашҡаҙан йәки эсәк яман шеше менән ауырыусылар булдымы?
11. Эс ҡабарыуҙан йыш интегәһегеҙме?
12. Стресҡа йыш биреләһегеҙме?
13. Торт, шоколад, кәнфит ашауҙан тыйылып тора алмайһығыҙмы?
14. Магазинда һатылған аҡ икмәкте ашайһығыҙмы?
15. Геморройҙан яфаланаһығыҙмы?
16. Ҡайһы бер аҙыҡ-түлеккә ҡарай алмай торған мәлдәрегеҙ буламы?
17. Ашҡаҙанығыҙға йәки эсәктәрегеҙгә операция яһатҡанығыҙ булдымы?

Ете һорауҙан әҙерәгенә ыңғай яуап бирһәгеҙ,  тимәк,  барыһы ла яҡшы. Аш эшкәртеү менән бәйле бер ниндәй ҙә проблемағыҙ юҡ. Әммә ашҡаҙан-эсәк тракты ниндәйҙер сигнал биреүен көтмәгеҙ, ауырыуҙы иҫкәртеүҙе хәстәрләгеҙ.

Ете һәм унан да күберәк һорауға ыңғай яуап булған осраҡта, бер аҙ хәүефләнергә урын бар. 

Ә инде 12 һәм унан да күберәк һорауға ыңғай яуап алһағыҙ, иң ауыртҡан урынығыҙ шул, тип уйларға кәрәк. Бөтә иғтибарығыҙҙы был мөһим проблемаға йүнәлтеп, тиҙ арала дауаланыу сараһын күрегеҙ.