Эшҡыуарҙарға 8 меңдән ашыу хеҙмәт күрһәтелгән

"Эффектлы һәм конкурентлы иҡтисад" милли проекты сиктәрендә уҙған йылда Башҡортостандың "Минең бизнесым" үҙәге 8 меңдән ашыу консультация һәм профилле хеҙмәт күрһәткән, шул иҫәптән 4 993 - бәләкәй һәм урта эшҡыуарлыҡ субъекттарына, 908 - үҙмәшғүл граждандарға, 2 204 - эшҡыуарлыҡ эшмәкәрлеге менән шөғөлләнергә теләгән физик шәхестәргә. Ярҙам саралары Башҡортостан Республикаһының Эшҡыуарлыҡ һәм туризм министрлығы ярҙамында күрһәтелә.

- "Минең бизнесым" үҙәге "берҙән-бер тәҙрә" принцибы буйынса эшләй, эшҡыуарҙарға кәрәкле хеҙмәттәргә һәм ресурстарға тиҙ инеү мөмкинлеге бирә. Был бизнес алып барыу шарттарын яҡшырта һәм предприятиеларҙың конкурентлыҡ һәләтен арттыра, төбәктең иҡтисади үҫеше өсөн үҙәктең әһәмиәтен һыҙыҡ өҫтөнә ала, - тип аңлатма бирҙе Башҡортостан Республикаһының эшҡыуарлыҡ һәм туризм министры Светлана Верещагина.

Тулыраҡ мәғлүмәт рәсми сайтта: https://pravitelstvorb.ru/news/28242/

Фото: https://pravitelstvorb.ru/news/28242/